“Mirzacho‘lni o‘zlashtirish tarixi - ekranda”

O‘zbekiston Kinofotofono milliy arxivida “Mirzacho‘lni o‘zlashtirish ilhomchisi Sharof Rashidov” nomli hujjatli film loyihasiga bag‘ishlangan Badiiy kengashning navbatdagi yig‘ilishi bo‘lib o‘tdi. O‘zMTRK-ning “O‘zbekiston tarixi” telekanali, Sharof Rashidov nomidagi Xalqaro jamoat fondi, “O‘zbekkino” Milliy agentligi, O‘z.FA Tarix instituti, O‘z.KFFH MA va boshqa manfaatdor tashkilotlarning vakillari ishtirokida mazkur hujjatli filmni birlamchi namoyishi tashkil etildi va loyiha har tomonlama muhokama etildi.

Hujjatli filmda davlat arbobi Sharof Rashidov rahbarligida XX asrning uchinchi choragi davrida Mirzacho‘l hududini o'zlashtirish tarixi aks ettiriladi. Arxiv direktori A.Maxkamov hujjatli filmni yanada boyitish maqsadida mavzuga oid audiovizual arxiv materiallaridan ko‘plab foydalanishni taklif etdi.