Қадрли опа-сингиллар, меҳрибон аёллар, дуогўй онахонлар!
Қадрли опа-сингиллар, меҳрибон аёллар, дуогўй онахонлар!
Барчангизни 8 март – Халқаро хотин-қизлар байрами билан чин дилдан табриклайман
Сизлар борки, хонадонимиз файзли ва саришта. Сизлар борки, қалбимизда ором, хотиржамлик. Биз эркаклар учун Сиз доим қадрли ва ҳурматга сазоворсиз.
Аёлни эъзозлаш, унга эҳтиром кўрсатиш ўзбек халқига хос олижаноб хусусиятлардир. Зеро, жамиятда сиёсий, ижтимоий-маънавий муҳит барқарорлиги ва тараққиёти аёлларга, ёшларга, оилага бўлган муносабат ва эътибор билан боғлиқ.
Шукуҳли айём кунларида Сизларни, Сиз орқали барча хотин-қизларни, опа-сингилларни халқаро байрам 8 Март билан чин қалбимдан муборакбод этиб, Сизларга келгусидаги ишларингизда ва оилавий ҳаётингизда улкан муваффақиятлар тилайман.
Илоҳим хар бир кунингиз байрам, хар бир онингиз баҳор бўлсин! Доимо баҳор гулларидай чиройли, нафис, гўзал ва бетакрор бўлишингиз тилакдошиман!
Эҳтиром ила,
Шароф Рашидов туман ҳокими
Маҳмуд Холбутаев
