Оилаларда болага қараб туриш ва уларни парвариш қилиш хизмати (энагалик) ўзини ўзи банд қиладиган шахслар шуғулландиган фаолият тури ҳисобланади.
Мазкур шахслар солиқ органларида ўзини ўзи банд қилган шахс сифатида рўйхатдан ўтишлари лозим.
Рўйхатдан ўтиш солиқ органларининг мобил иловаси, электрон платформаси ёки my.gov.uz орқали, шунингдек солиқ органига келган ҳолда амалга оширилади.
Рўйхатдан ўтган шахсга QR-кодли маълумотнома берилади.
Ўзини ўзи банд қилган шахслар даромад солиғи тўламайди.
Мазкур шахслар ишлаган даврини иш стажи сифатида ҳисобланиши учун ихтиёрий равишда БҲМнинг 1 баравари миқдорида (300 минг сўм) ижтимоий солиқ тўлайди.
Шунингдек, янги Меҳнат кодексига кўра энага сифатида 16 ёшдан шуғулланиш мумкинлиги белгиланган.
БЕГАЛИ ПАКИРОВ
Шароф Рашидов туман адлия бўлими
Юридик хизмат кўрсатиш маркази
бош юрисконсульти