Фуқаролар Б.Х. ва Ф.Х.лар оилавий келишмовчиликлар сабаб 15 йиллик турмушларидан ажралган. Биргаликда бунёд қилган уйларида аёл турмушларидан туғилган икки нафар фарзандини қолдирган эр Б.Х. бошқа аёл билан турмуш қуриб кўчиб кетган эди.

Сўнгра фуқаро Б.Х. мазкур уйдаги улушини собиқ турмуш ўртоғи Ф.Х.дан ундириш масаласида судга мурожаат қилган.

Фуқаролик ишлари бўйича Жиззах туманлараро судининг 2023 йил 20 январдаги қарорига асосан Ф.Х.нинг фойдасига қарздор Б.Х.дан биргаликдаги турмушларида қурилган уйдаги ½ қисми улуши учун 200 млн. сўм компенсация ундириш белгиланган.

Мазкур ижро ҳужжати Бюронинг Ш.Рашидов туман бўлими иш юритувига келиб тушган ва ижро иши юритилган.

Ўзбекистон Республикаси «Суд ҳужжатлари ва бошқа органлар ҳужжатларини ижро этиш тўғрисида»ги Қонуннинг 23-моддасига кўра қарздорларга ижро ҳужжатининг ижросини ихтиёрий равишда таъминлаш учун муддат берилган.

Ижро ҳаракатлари давомида, собиқ хотини бўлган Ф.Х. турмуш ўртоғи Б.Х.га 200 млн сўм компенсация пуллари тўлиқ ундириб беришга қарор қилди  ва шу билан ижро иши амалда тамомланди.