"Yoshlar - milliy armiyamiz nigohida!" shiori ostida harbiy-vatanparvarlik festivali tashkil etildi

Jizzax viloyati Sharof Rashidov tumanida joylashgan 20-maktabda o'quvchi yoshlarni qalbida Vatanga muxabbat, yurtga sadoqat tuyg'ularini yanada oshirish, harbiy-vatanparvarlik ruhida tarbiyalash maqsadida "Yoshlar - milliy armiyamiz nigohida!" shiori ostida harbiy-vatanparvarlik festivali tashkil etildi.

Unda yoshlarni milliy g‘oya va Vatanga sadoqat ruhida tarbiyalash, ongu-shuuriga Vatan himoyasi sharafli va muqaddas burch ekanligini chuqur singdirishga ahamiyat qaratildi hamda Oliy harbiy bilim yurtlari haqida ma'lumotlar berildi.

Festival davomida yoshlarning muammolarini o'rganish maqsadida suhbat, sportga bo'lgan qiziqishlarini yanada oshirish uchun sport musobaqalari o'tkazildi.

Ayniqsa, faxriy qorovul jamoasining qo'l jangi chiqishlari, qurol-aslahalar ko'rgazmasi yoshlar qalbida Vatanga muxabbat va hurmat tuyg'ularini yanada kuchaytirishga sabab bo'ldi.