Ҳарбий қисмда очиқ эшиклар куни

Шароф Рашидов тумани "Олмачи" маҳалласида жойлашган ҳарбий қисмда туман ҳокимлиги, Ёшлар ишлар агентлиги ва ММТБ ҳамкорлигида “Мард аскар ёшларга намуна” шиори остида очиқ эшиклар куни доирасида ватанпарварлик, маданий ҳамда маънавий-маърифий тадбир ташкил этилди. 

Тадбирга туман ҳокими Маҳмуд Холбутаев, ҳарбий хизматчилар, умумтаълим мактаблари ўқувчилари ва уюшмаган ёшлар иштирок этишди.

Тадбирга ташриф буюрганлар ҳарбий хизматчиларга яратилган шарт-шароитлар ҳамда ҳарбий техникалар билан яқиндан танишдилар. Уларга ҳарбий хизматчилар томонидан соҳада эришилаётган ютуқлар, давлатимиз томонидан қилинаётган ғамхўрлик ҳамда аскарларга берилган имкониятлар тўғрисида батафсил маълумотлар бериб ўтилди.