Jizzax viloyati sektor rahbarlari ikkita tumanda qishloq xoʻjaligi sohasini koʻzdan kechirishdi

Jizzax viloyati sektor rahbarlari ikkita tumanda qishloq xoʻjaligi sohasini koʻzdan kechirishdi

Jizzax viloyati hokimi Ergash Saliyev boshchiligida viloyat, shahar va tumanlar sektor rahbarlari  Sharof Rashidov hamda Zarbor tumanida qishloq xoʻjaligida amalga oshirilayotgan ishlar bilan tanishish maqsadida tashrif buyurishdi.

Xususan, sektor rahbarlari, viloyat hokimining tegishli oʻrinbosarlari “Agrobank” tuman boʻlimlari rahbarlari, tumanlar Fermerlar Kengashi va tumanlar “Mahallalar” uyushmalari raislari dastlab, Sharof Rashidov tumanidagi “Tuyoqli” mahallasida boʻlib aholi xonadonlarda tashkil etilgan issiqxonalar koʻrishdi.

Masʼullarga “Tuyoqli” mahallasi misolida aholi tomorqalaridagi issiqxonalar faoliyati hamda bir yilda 3-4-marta hosil olish tajribasini ommalashtirish toʻgʻrisida koʻrsatmalar berildi.

Shuningdek, Zarbdor tumanida qishloq xoʻjaligida amalga oshirilayotgan ishlar bilan tanishish maqsadida ham borildi.

Tashrif davomida, tumandagi  Don oʻrish kombaynlari va OVX purkagichlarining mavsumga tayyorgarligi hamda yangi qishloq xoʻjaligi texnika va agregatlarining koʻrgazmasi koʻzdan kechirildi.

Shundan soʻng, Zarbdor tumani misolida kooperatsiya usulida xonadonlarga joʻja yetkazib berish tajribasini keng joriy qilish yuzasidan topshiriqlar berildi.