Бугун Заҳириддин Муҳаммад Бобур таваллуд топган кун!

Заҳириддин Муҳаммад Бобур ўрта аср Шарқ маданияти, адабиёти ва шеъриятида ўзига хос ўрин эгаллаган адиб, шоир, олим, йирик давлат арбоби ва саркарда.

Унинг нафис ғазал ва рубоийлари туркий шеъриятининг энг нодир дурдоналари бўлиб, "Мубаййин", "Хатти Бобурий", "Ҳарб иши", Аруз ҳақидаги рисолалари эса ислом қонуншунослиги, шеърият ва тил назарияси соҳаларига муносиб ҳисса бўлиб қўшилди.

Бобур салтанат бошқарувида шахснинг роли ва ўрнига юксак эътибор берган. У давлатчилик ва бошқарувнинг таъсири ҳамда самараси, пировард натижада, аввало, билим, юксак тафаккурга эга, лаёқатли, шижоатли, мард инсонларга кўп жиҳатдан боғлиқ эканини ҳаётий далиллар орқали кўрсатиб берган.

Бугун юртимиз бўйлаб буюк бобокалонимизнинг 540 йиллиги кенг нишонланмоқда.