БУЮК БРИТАНИЯЛИК ЭКСПЕРТ BMB-NRC AGROLOGISTICS МАЖМУАСИ ФАОЛИЯТИ БИЛАН ТАНИШДИ

БУЮК БРИТАНИЯЛИК ЭКСПЕРТ BMB-NRC AGROLOGISTICS МАЖМУАСИ ФАОЛИЯТИ БИЛАН ТАНИШДИ

Жорий йилнинг 25 октябрь куни Буюк Британиянинг Шеффилд университети, Сиёсат ва иқтисодий тадқиқотлар институтининг Марказий Осиё бўйича эксперти Франк Мараккионе BMB-NRC Agrologistics мажмуасига ташриф буюриб, унинг фаолияти билан яқиндан танишди.

Хусусан, хорижлик меҳмон агрологистика мажмуасининг фаолияти, унинг қуввати, экспорт салоҳияти ва жуғрофияси, хизмат турлари, яратилган имконият ва шароитлар, мамлакатимиз минтақаларида етиштирилган турли қишлоқ хўжалиги маҳсулотларини саралаш, қайта ишлаш, қадоқлаш, сақлаш, божхона, банк ва фитосанитар ҳужжатларини “Ягона дарча” тамойили асосида расмийлаштириш, транспорт, логистика хизматларини кўрсатиш каби амалиётлар билан таништирилди.

Ф. Мараккионе мажмуа имкониятларини юқори баҳолаб, бу каби марказларнинг мамлакат иқтисодиёти, қишлоқ хўжалиги ва экспорт имкониятлари ошишида муҳим омиллардан бири эканлигини таъкидлади.